ШИНЖЛЭХ УХААНЫ СУРТАЛЧИЛГАА, СОЁН ГЭГЭЭРҮҮЛЭХ ҮЙЛ АЖИЛЛАГАА
- 2022 онд УХЭШХ нь нийт 63 ажиллагсадтай үйл ажиллагаа явуулсанаас Эрдэм шинжилгээний нийт 47 ажилтан үүнээс эрдмийн зэрэг цолтой 22 судлаач ажиллаа.
- Хүрээлэнгийн эрдмийн зөвлөл нийтдээ 11 удаа, захиргааны зөвлөл 17 удаа хуралдаж байгууллагынхаа эрдэм шинжилгээний болон бусад үйл ажиллагааны асуудлыг шийдвэрлэж ажиллаа.
- 2022 онд тус хүрээлэн байгууллагын дотоод журам, эрдэм шинжилгээний бүтээл нийтлүүлэх журам, үр дүнгийн гэрээний биелэлтийг дүгнэх журмыг шинэчилж, шинээр туршлага хүлээж авах, байгууллагын семинар зохион байгуулах, гадаад хэлний түвшин тогтоох, хээрийн болон лабораторийн журнал хөтлөх журам, зааврыг боловсруулж ажиллаа. Нийт ажиллагсадын дунд НОМ хөтөлбөр аяныг зохион байгуулсан.
- Экологи-Ургамал хамгаалах сэтгүүлийн редакцийн гишүүдийг шинэчилж өргөтгөн олон улсын ISSN дугаар авсан.
- Төрийн болон шинжлэх ухаан, боловсрол, соёлын салбарын байгууллагууд тухайлбал ХХААХҮЯ, БОАЖЯ, ХААИС-ийн Агробиологийн сургууль, Эдийн засаг бизнесийн сургууль, Монгол улсын их сургуулийн Шинжлэх ухааны сургууль, Хэрэглээний ШУ-ны сургууль, Боловсролын их сургууль, Байгалийн түүхийн музей, Биологийн хүрээлэн, Ботаникийн хүрээлэн, Уламжлалт Анагаах ухааны хүрээлэн, Газар зүй Гео-экологийн хүрээлэнгүүдтэй хамтарч ажиллаа.
- Улсын чанартай томоохон хурал, зөвлөгөөн зохион байгуулах ажлын хэсгийг ахлах, гүйцэтгэх, эрдэм шинжилгээний хурал, үзэсгэлэн зохион байгуулах, оролцох, судлаачдыг чадавхжуулах сургалт хийх, тариаланчдын улсын болон орон нутгийн зөвлөгөөнд илтгэл тавих зэрэг үйл ажиллагаанд байгууллага, хамт олон идэвхитэй оролцож ирлээ.
- Ургамал хамгааллын биологийн болон химийн гаралтай пестицид, бордоо турших ажлыг аж ахуй нэгж байгууллага, хувь хүнтэй гэрээний дагуу гүйцэтгэж, тайланг ХХААХҮЯ-нд хүлээлгэж өгч, улсын зөвшөөрөл бүхий жагсаалтанд оруулах зэрэг ажлыг гүйцэтгэлээ. Тухайлбал: ШУ үйлдвэрлэлийн Шим ХХК, Дийлэгч тэнгэр ХХК, Төв аймгийн Эрдэнэсант сумын Буянт төв, Эко тайхи ХХК, Баагмен ХХК, Хан дээж ХХК-тай хамтарч ажиллаа.
- Судлаачдын нийгмийн асуудал, хүрээлэнгийн санхүүгийн үйл ажиллагааг дэмжих зорилгоор үйлдвэрлэлийн 18 га талбайд төмс, 1 га талбайд лууван тариалж, техник тоног төхөөрөмжийн шинэчлэл хийн, мал аж ахуйгаа сайжруулж ажиллаа.
- Лаборатори, нэгж, судлаачдын дунд биеийн тамир спортын 4 төрөлт тэмцээнийг захиргаа, Үйлдвэрчний эвлэл хамтран жил бүр тасралтгүй явуулж 2022 оны 12 сарын 15-нд уламжлалт тэмцээнээ зохион байгуулснаар захиргаа аж ахуйн хамт олон шилжин явах цомын эзэн болсон.
Биеийн тамир, спортын уламжлалт тэмцээнg
Тус хүрээлэнгийн 6 лабораторийн 8 ажилтан төрийн болон төрийн бус байгууллагуудын шагнал урамшуулал авсан.
Шагнал авсан судлаачид, шагналын нэр төрөл
| Д/д | Лаборатори, нэгж | Нэрс | Шагнал |
| 1 | Биотехнологи | Д. Мөнхцэцэг | “Шинжлэх ухааны тэргүүний ажилтан” |
| 2 | Пестицид | Ц.Уянга | БШУЯамны “Жуух Бичиг” |
| 3 | Микробиологи | С.Ариунаа | БШУЯамны “Жуух Бичиг” |
| 4 | Мэрэгч судлал | Г.Мөнхчулуун | БШУЯамны “Жуух Бичиг” |
| 5 | Ой хамгаалал | Г.Ганзул | ХХААХҮЯамны “Жуух Бичиг” |
| 6 | Биотехнологи | Г.Энхбулган | “Тэргүүний Залуу” алтан медаль |
| 7 | Биотехнологи | Ж.Бархасдорж | “Тэргүүний Залуу” алтан медаль |
| 8 | Ой хамгаалал | Д.Наранцацралт | “Тэргүүний Залуу” алтан медаль |